Kalibo Aklan ——Nag-abot eon sa 18,470 ro kabilugan nga kaso it coronavirus disease 2019 (COVID-19) ro nailista sa Western Visayas hasta Nobyembre 16, 2020 .
Sa ginpatigayon nga press conference it Provincial Health Pffice, ginpahayag ni Dr. Cornelio Cuatchon Jr, sa nasambit nga numero, 2,401 ro active cases kun sa siin kaabuan sa mga raya hay asymptomatic nga 79.26% samtang 15.7% ro may mild nga sintomas ag 4.46% ro severe symptoms ag ro point .46 hay padayun pa nga gina-beripika .
Ro Aklan hay may kabilugan nga kaso nga 204; samtang ro Antique hay nakalista it 77; Capiz nga may 962 ; Guimaras 198 ; probinsiya it Iloilo hay may una nga 2,451; Negros Occidental ro may pinakamataas nga kaso sa 5,224; Bacolod City 5,135; ag ro Iloilo City 4,226.
Gindugang pa ni Dr. Cuatchon nga padayun nga naga-require ro Provincial Government it QR Code sa mga nagasueod ag nagaguwa sa Aklan para sa mas madasig nga contract tracing engkaso nga may makasueod nga COVID-19 positive.
Pwede raya nga ma-access sa aklan.gov.ph .
Ro QR code hay gina-usisa it mga nagabantay sa border control management .
Samtang, gindugang pa kara nga padayun ro pagpaguwa it update it mga kaso it COVID-19 sa probinsiya it Aklan Provincial Epidemiology and Surveillance Unit halin sa mga resulta it test it molecular laboratory it Aklan Provincial Hospital.
