Mas maabong imported rice, eauman nga magaabot sa nasyon sa 2021–DA

Kalibo Aklan ———Target sigon it Department of Agriculture nga ipataas sa 93 percent ro rice sufficiency it Pilipinas apang bangud sa halit nga gin-aywanan it mga nagtaliwang bagyo sa sektor it agrikultura hay posible sigon nga magnaba raya sa 89 percent.

Suno kay DA Sec. William Dar, dapat eon nga eauman ro mas maabong imported rice ro magasueod sa nasyon halin sa masunod nga dag-on agud nga pun-an ro mga nasamad nga pananom it mga nagtaliwang kalamidad.

Kon maabot sigon ro target hay ginatayang 7 percent eamang it total rice consumption ro magiging import it nasyon.

Paathag it opisyal, natural eamang nga maga-import ro sangka nasyon it bugas kon inde raya sarang nga masolusyunan ro kinahang-eanon it mga pumueoyo.