Kalib Aklan ——–Patay ro daywang ka motorista matapos nga maaksidente sa national highway nga sakop it Brgy. Rigador, Ibajay.
Ginkilaea ni Patrolman Kier Tabagon it Ibajay PNP ro driver nga si Joey Bangcaya, 37-anyos samtang ro anang backrider hay si Rustom Ballejo, 23-anyos ag parehong residente it Brgy. Apparicio sa nasambit nga banwa.
Base sa inisyal nga imbestigasyon it pulisya, halin sa Brgy. Jawili, Tangalan ro daywa kon sa siin sanda nagpanginhas.
Natabo ro aksidente kat pauli eon ro mga raya kon sa siin nadueaan sigon it kontrol sa manibela it motorsiklo si Bangcaya rason it andang pagkasunggab sa puno it mahogany nga gintunaan it andang hinali nga kamatayon.
Gindaea pa sa magkaseperadong ospital ro daywa apang parehong gindeklarang dead on arrival it nagtatap nga doktor.
