Business News ——-Ginpaiway it Senate Committee on Public Services ro pag-renew sa prangkisa it DITO Telecommunity, ag ginhambae nga kinahang-ean anay nga mapatud-an it third telco nga maihatod kara ro ginpromisang mga serbisyo.
Nauna eon nga nagpromisa ro DITO – sangka consortium sa tunga it Udenna Corp ni Davao tycoon Dennis Uy ag ko China Telecom – nga magata-o it inde magnaba sa 27 mbps internet speed sa 37 percent ukon 7,425 Barangays sa unang dag-on it serbisyo kara.
Ro coverage hay ginaeauman nga magataas sa 50 percent sa ikaywang dag-on, 70 percent sa ikatlo, ag 84 hasta it 90 percent sa ika-4 nga dag-on kara sa operasyon.
Ginpahayag ni DITO Chief Administrative Office Adel Tamano nga ro ‘viability’ it DITO hay nakadepende sa kon paano batunon it publiko ro andang serbisyo.
Gin-insister ni Sen. Grace Poe nga inde sanda dapat magsalig nga ma-renew ro andang prangkisa kon inde nanda masarangan nga i-produce ro andang ginpromisa.
Gindayaw man ni Sen. Risa Hontiveros ro desisyon it komite nga ipaiway ro irenewal it prangkisa it DITO ag ginhambae nga kinahang-ean tun-an pa it mga mamalidha ro magiging epekto it pagsueod it third telco sa nasyon eabi pa ag ginapanag-iyahan it China ro pilang bahin it kompanya.
