Business News ——–Aprubado eon it House Ways and Means Committee sa unang pagbasa ro proposed bill nga magatau sa mga medical workers it 25% discount sa andang personal income taxes.
Sakop eang sa proposisyon ro sweldo ag gross receipts halin sa mga nagatuman sa andang propesyun nga mga frontliners para sa Taxable Year 2020.
Suno kay committee chairman Albay 2nd District Rep. Joey Salceda, sakop it diskwento sa buwis it mga workers ro may utang sa allowances nga andang nabo-oe halin sa pag-trabaho sa tiempo it COVID-19 pandemic.
Ginklaru pa ni Salceda, bukon it sakop kara ro andang kita halin sa iba pang negosyo, investments, ukon iba pang paeangitan-an nga owa it kaangtanan sa andang trabaho nga magsirbi ag mag-bueong it COVID-19 patients.
Samtang, gin engganyo man it mamalidha ro Department of Health nga padasigon ro pagtau sa sweldo it mga frontliners, matapos ro report halin sa ibang probinsya nga owa pa sanda nabayaran it bilog it DOH.
