National News ——-Ginpadumdom it Department of Health (DOH) ro Local Government Units (LGU) nga siguraduhong masunod ro health protocols sa komunidad kadungan ko selebrasyon it year-end holiday.
Pahayag raya it ahensya, kasunod it padumdom sa publiko nga likawan anay ro paggamit it torotot ag pito nga pampasangag sa pagsug-aeaw it bag-ong dag-on.
Suno kay Health Usec. Maria Rosario Vergeire, mataas ro posibilidad nga matapnan it sangka confirmed COVID-19 cases ro anang kaibahan sa pamaagi it hangin nga magaguwa halin sa torotot ag pito.
Mag-eowas sa enforcement sa paggamit it mga torotot, nagpadumdom man ro DOH sa LGUs angot sa tagsa-tagsa ka Christmas displays nga nagahakot it pagtipon-tipon it publiko.
Ginpahayag dugang it DOH spokesperson nga base pwedeng i-konsidera it mga lokal nga gobyerno ro pilang alternatibo para dueoeongan gihapon nga maselebrar it komunidad ro Paskwa nga uwa nagatipon-tipon sa pampublikong lugar.
