Balitang Espesyal——-Maabu ro nagapati nga pwedeng mag-wish kon makakita it bulalakaw sa kaeangitan apang para kay Josua Hutagalung, 33 anyos, sangka taga-obra it kabaong sa Kolang, North Sumatra, Indonesia, antes pa imaw nga maka-isip it wish sa nakitang naga eupad nga bulalakaw hay bumagsak eon raya sa anang baeay ag natuman ro mga ginapangayo kara sa kabuhi.
Sang gabi-i samtang ginatapos nana sa prente it anang baeay ro gina obra nga kabaong, nakakita si Hutagalung, it sangka nagadaba daba nga bagay nga nahueog sa anang bungbungan .
Suno kana insigida imaw nga nagsueod sa baeay agud nga tan-awon ro anang asawa ag unga nga nagakatueog eon sa andag kuwarto.
Sa mayad nga swerte ag sa andang sala tumama ro bulalakaw, nga sa sobrang kabaskog it pagkahueog hay haeos nag eubong raya sa andang saeog.
Bangud sa gintuga nga sangag it pagkahueog it bulalakaw, nabugtaw ro anang misis.
Ginbuligan imaw kara nga boe-on ro bulalakaw, nga kapareho it bahoe it bola it football, gamit ro pala bangud sa sobrang init ag naga asu pa raya .
Natukiban nga ro bulalakaw nga tumama sa andang baeay hay sangka 4.5 billion years old CM1/2 carbonaceous Chondrite Meteorite nga nagabalor it 200 million Indonesian Rupiah.
Kat maging viral sa social media ro experiensiya ni Hutagalung hay insigida imaw nga gin agtunan it sangka space rock expert nga si Jared Collins nga naga-istar sa Bali, Indonesia, ag ginbakae ro bulalakaw.
Instant milyonaryo si Hutagalung.
Eubus ro kalipay ni Hutagalung ag ko anang asawa.
Makaron nga maabu eon sanda nga kwarta , plano nanda it anang misis nga makaangkon sanda it sangka unga.
Mabuhay eon nana nga ginahinyu nga makaangkon it unga nga babaye.
