Business News ———Pwede eon nga makabo-oe it 50 percent discount sa Reverse Transcription Polymerase Chain Reaction (RT-PCR) test para sa COVID-19 ro mga lokal nga turista.
Suno kay Tourism Secretary Bernadette Romulo-Puyat, halin sa orihinal nga presyong P1,500 pesos nga COVID-19 test sa Philippine Children’s Medical Center (PCMC), magiging P750 pesos lang raya .
Suno kana kapin sa P8.7 milyon pesos halin sa special contingency fund ro pagagamiton nga subsidiya sa 5 percent discount sa RT-PCR testing para buligan ro domestic tourism industry nga eubus nga naapektuhan it COVID-19 pandemic.
Magabuhay ro kasugtnanan sa nasambit nga diskuwento hasta sa Hunyo 2021.
Samtang, ginpaathag man ni Tourism Promotions Board (TBP) Chief Operating Officer Maria Anthonette Velasco-Allones, agud nga makabo-oe it 50 percent discount sa RT-PCR test, dapat ipakita it lokal nga tursita ro valid ID, proof of accommodation sa DOT-accredited establishment ag ro anang booking sa biyahe.
Masayuran ro resulta it COVID-19 test it turista sa sueod eang it 24 oras.
