Kalibo Aklan———Nagpangayo it public apology sa Bombo Radyo Kalibo si Mr. Rene Dizon Nacionales matapos nga magpost it pilang ka mga maeain nga pahayag kontra sa ginahimo nga information dissemination it nasambitan nga radio station.
Pamaagi sa programang Bombo Hanay Bigtime kaibahan ro anchor ag Station Manager nga si Bombo John Chester Redecio hay ginapaabot ni Nacionales ro anang hantop nga pagpangayo it pasaylo sa anang nahimo.
Suno kana nga nadaea eamang imaw sa anang emosyon bangud sa na-eksperyensiyahan nga diskriminasyon matapos ro sa sigon hay pahayag it sangka radio station nga may nagpositibo sa COVID-19 nga sangka “agi” ag residente it banwa it banga.
Matapos nga mapabalita hay nag-adto imaw sa boarding house it anang mga barkada nga ngatrabaho sa livelihood office it banga ag kato may nagreport kana nga sa Bombo radyo nana raya nabatian.
Matapos nga magpangayo it anang pahayag ro Bombo Radyo, anang ginkompronta ro anang barkada apang hugot eun karang ginpamalibaran ro anang naging pahayag.
Samtang, ginapamalibaran ro alegasyon nga ginkuwestiyon nana ro ginhimo nga tikang it Municipal Health Office (MHO) Banga angot sa ginapatigayon nga contact tracing.
Samtang, Gineaygayan man kara ro tanan nga indi basta-basta magpost sa social media .
Suno pa kana nga mas manami hay “think before you click” ukon isipon anay antes nga magpost agud nga indi magkri-ar it kinagamo sa publiko.
