KALIBO, Aklan—Nagtaeana ro lokal nga gobyerno it Kalibo it pondo nga kapin sa 10 milyon pesos para sa bakuna kontra Coronavirus Disease 2019 ukon covid 19.
Suno kay Liga ng mga Barangay President ag Pook Barangay Chairman Ronald Marte nga raya ro namitlang ni Mayor Emerson Lachica sa ginpatigayon nga pueong it Local Inter-Agency Task Force.
Gimanduan sigon it alkalde si MDRRMO head Terrence June Toriano nga magbantay sa magiging tikang it national government agud nga masayuran kon anong bakuna ro andang pagabak-eon.
Ro pondo suno kana hay halin sa 2021 budget ag ginapa-usisa pa nana kon may surplus ro pondo ko 2020 agud nga idugang sa pagbakae it bakuna.
Pagataw-an it prayoridad sa bakuna ro mga frontliners, senior citizens ag vulnerable sector.
