KALIBO, Aklan—Sangka utility it Aklan Provincial Hospital ro nagreklalmo sa Bombo Radyo matapos nga mapaseawan nga makabatun it anang bonus.
Suno sa tagreklamo nga si Mr. Ricky Pinos ag sangka regular employee nga nagatrabaho bilang utility sa nasambitan nga ospital nga ro dapat karang mabatun nga bonus hay kapin sa 10,000 pesos apang 5, 000 pesos eamang gintao kana.
Gin-insister dugang nga ro andang head nga si Gina Morales ro naging rason kung ham-an nga owa nana nabatun ro additional nga 5,000 pesos sa anang yearly bonus.
Owa sigon raya gintaw-an ni Morales it Individual Performance Commitment Review (IPCR) rason nga owa naeakot ro anang pangaean sa mga empleyadong kwalipikadong makabatun it nasambitan nga balor it kwarta.
Base pa sa pahayag it tagreklamo hay gina-akusahan imaw ni Morales nga maabong nagareklamo nga nagatinamad imaw ag owa nagasueod sa anang duty.
Apang, haom man rayang atubadngon ro sin-o man nga nagareklamo kana.
Ginpanindugan pa kara nga nagatrabaho eamang imaw it husto.
Dugang pa kara nga kat nagpaidaeum imaw sa 6 nga adlaw nga home quarantine pagkatapos nga magpacheck-up sa anang doktor hay nagfile imaw it leave of absence ag nagpakita it quarantine certificate bilang pamatu-od.
Bangud kara nagapati imaw nga owa it kung ano man nga rason agud nga i-hold ukon indi imaw makabatun it anang bonus.
