KALIBO, Aklan—Gina-ideyahan eon makarun it Local Government Unit ukon LGU nga ma-pull out ro pilang ka mga panimaeay nga nahamtang sa suba nga sakop it Barangay Tambak, New washington.
Raya hay matapos ginbaha it reklamo maghalin sa pilang ka mga residente bangud sa sigon hay owa it Comfort Room ro nasambitan nga panimaeay ag ginakahadlokan man nga ro andang hingko hay derikto nga maadto sa suba.
Una nga natukiban ro mga raya matapos nga makasueod sa listahan it mga benipisyaryo it mga residente nga makabatun it CR maghalin sa LGU apang owa makapasar sa survey it sanitation team ag Department of health (DOH) bangud ro andang panimaeay hay nakaposte sa suba ag owa it mapatindugan kara.
Samtang gina-insister man it mga magpamilya nga indi raya maghalin sa andang baeay bangud nga indi nanda maaywanan ro andang paeangitan-an.
