KALIBO, Aklan—May kanya-kanyang plano eon ro mga Local Government Units ukon LGUs sa probinsiya it Aklan para sa separadong pagbakae it kaugalingon nga bakuna kontra sa COVID-19 sa koordinasyon it provincial government.
Suno kay Ibajay mayor ag League of the Municipalities of the Philippines ukon LMP-Aklan chapter president Joen Miraflores nga naga-usoy pa it pondo ro mga LGUs ag ro probinsiya para sa pagbakae it vaccine it andang mga residente.
Raya hay sa pihak nga pilang mga mabahoe nga siyudad ag munisipyo ro kasado eon ro plano sa pagbakae it andang mga bakuna para sa andang mga constituents.
Samtang, bangud sa pataas nga projection it kaso it covid 19 sa probinsiya, ginapahaum sigon makaron it mga LGUs ro andang natungdan mga ligtas covid center agud nga may mabutangan it mga igapaidaeum sa isolation para sa mandatory nga 14-day quarantine it mga positive cases.
Tuyo kara nga malikawan ro worst case scenario.
