Kalibo Aklan ——–Bangud sa ginapatuman nga restrictions sa mass gathering tuga it coronavirus disease (COVID-19) pandemic, limitado eamang ro pwedeng makasueod sa simbahan para sa pilgrims mass sa kaadlawan it Kalibo Sto. Niňo Ati-atihan festival nga dag-on.
Suno kay Fr. Tudd Belandres , parish priest it St. John The Baptists Cathedral nga ginbutangan nanda it markings sa sueod it Kalibo pastrana park agud nga maka-akomodar it dugang nga numero it mga deboto nga gustong magsimba .
Samtang, bangud nga temporaryo anay nga ginduea ro tradisyunal nga paeapak, ginbutang sa bag-ong tukod nga chapel sa kilid it simbahan ro imahe ni Sto, Nino De Kalibo agud nga dikara pwedeng makabisita ro mga nagapanata nga deboto.
Bangud sa paeag gihapon it coronavirus disease (COVID-19), ro nakaandan nga prucession kada kaadlawan hay kanselado.
Sa baylo nagapatigayon it mga misa.
Suno kay Fr. Tudd nga pwede sa gihapon nga maipakita it mga deboto ro andang pagtuo maskin nga may pandemic restrictions pinaagi sa pagtutuk it andang atensyon sa misa .
Pagaeaum man ro simbahan nga maging disiplinado ro mga deboto ag iba pang nagasimba pinaagi sa pagsunod sa health protocols sa misa.
Umpisa miyerkules nga adlaw hasta it biyernes, may ginapatigayon nga novena mass alas 7 it agahon ag alas-5:15 it hapon.
Sa sabado sa bisperas it kapiestahan, magapatigayon it mobile procession bandang alas-4 it aga aga.
Pagka-alas 5 it aga-aga hay may novena mass ag pag-abot it alas-12 it udtro adlaw hay may hornada ag pagka-alas-5 it hapon hay magapatigayon it vesper mass.
Samtang, ro pilgrim mass sa kaadlaw it kapiestahan hay maga-umpisa it alas- 7 it agahon .
Makaangkon it misa alas-12 it udtro adlaw ag alas-6 it gabi-i.
Ag pag-abot it alas-7 it gabi-i hay ro pagpasaka kay Sr. Sto Nino.
