KALIBO, Aklan—Owa eon it atrasan ro pagpadaeagan bilang gobernador ni dating Kalibo mayor William Lachica.
Suno kay Lachica, desisdido eon imaw nga uman nga sumabak sa nasambit nga posisyon matapos nga haeos 3,007 nga boto eamang ro naging abanse ni governor Florencio Miraflores kana ko nagtaliwan nga 2019 nga eleksyon.
Ginpahayag pa ni Lachica nga naistoryahan eon raya it andang grupo kun sa siin posibleng maka tandem nana si sangguniang panlalawigan member Emmanuel “Nolly” Sodusta.
Sa pihak nga parte, ginkumpirma ni lachica nga gintanyagan imaw ni Congressman Carlito Marquez nga magbalik sa pagka-mayor ukon vice mayor it Kalibo.
Bukon man sigon imaw it pabor sa ginaduso ni Marquez nga united leadership nga ro buot hambaeon hay indi eon makaangkon it kaengkwentru sa eleksyon ag magkaeasugot eon lang ro tanan para sa ika-umwad it probinsiya makaron nga tiempo nga may pandemya.
Kat mag-insister nga magapadaeagan it gobernador hay matsa gin-insulto pa sigon imaw ni marquez rason nga nag-eain ro anang buot.
