KALIBO, Aklan—Kasunod it selebrasyon it Zero waste month makarun nga buean it Enero, uman nga gin-engganyo it taeatapan it Solid waste and management sa banwa it kalibo ro mga pomoeuyo nga maging reponsable sa pagpilak it basura kamana man ro paggamit it mga plastic ag iba pang mga bagay nga owa nagakaeunot.
Suno kay Adorada Reynaldo, Head it Solid waste and Management sa banwa it Kalibo nga mabahoe ro kontribusyon it pomoeuyo agud mapabilin nga malimpyo ro sangka banwa ukon komunidad.
May kaangtanan kara, mas manami suno pa kana nga ibalik ro dating nakagawian nga kung magpamakae ukon magpadueong sa tindahan hay magbibit it kaugalingon nga basket ukon sako bag nga pwedeng masudlan it andang ginapamakae.
Pamalibaran ro plastic kung simpleng gabakae malang it sibuyas, bawang ag iba pa.
Sa pihak kara, hay maggamit eun lang it kaugalingon nga bag para mabawasan ro basura nga gina-uli sa sueod it panimaeay.
