KALIBO, Aklan—Ginpromisa it pamunuan it Aklan State University (ASU) nga magapaguwa it opisyal nga pahayag matapos nga maeakip sa listahan it mga gintumod nga unibersidad nga gina-alegar nga ginapuntirya nga pagahiwatan it maeapnagon nga recruitment it mga rebeldeng Communist Party of the Philippines – New People’s Army ukon CPP NPA.
Madumduman nga nagpaguwa si Undersecretary Lorraine Marie T. Badoy it National Task Force to End Local Communist Armed Conflict it bag-ong listahan it target nga mga eskwelahan nga pagahiwatan it recruitment it nasambit nga rebeldeng grupo.
Raya hay kasunod it pahayag ni Lt. Gen. Antonio Parlade Jr., Commander it AFP-Southern Luzon Command nga mag-eowas sa University of the Philippines-Diliman ag UP Manila hay may iba pang mga unibersidad sa nasyon nga gintumod.
Ginkundina it mga estudyante, student leader ag campus journalists it pilang mga eskwelahan ro gina alegar nga ‘red tagging’ ag pagpakalhit it mga owa it baeasihan nga impormasyon it NTF-ELCAC nga pwedeng magbutang sa peligro sa kabuhi it mga estudyante.
