Kalibo Aklan——Nagpangayo it police assistance sa Kalibo Police Station ro pila ka mga indibidwal matapos nga naimbolbar sa kumusyon nga nag-eontad sa Brgy. Andagao, Kalibo bandang alas-2:25 kaina it aga-aga.
Ginkilaea ro grupo it complianant nga sanday Danrave Cuales, 27; Egay Tolentino, 23; Jay Ar Custudio, 22; Hesus Rabanera, 24; Jeck Bryan Potosa, 24; Angelica Silvestre 19; Aira Paghunasan, 21; ag Daniel Saballero, 28-anyos ag parehong residente it nasambit nga lugar.
Base sa report, samtang naga-inuman ro nasambit nga grupo hay gulping nagsueod sa baeay sanday Leobert Villanueva, 27-anyos kaibahan si Robert Villanueva, 53-anyos ag ginaalegar nga armado ro mga raya it siyaw.
Bangud kara, pagkakita it grupo nga may siyaw sanda nga bitbit hay nagdaeaeagan ro grupo hasta nga may nagpatunga nga kumusyon kon sa siin dikara eon sanda nagdesisyon nga magpangayo it police assistance sa standby patrol maeapit sa lugar.
Apang, bangud nga sa kasagsagan it naga-iral nga curfew, gindaea ro mga raya sa taeatapan it pulisya para sa nagakaigong pag-usisa hasta nga ko ulihi hay ginpahilway man it pulisya ag ginrefer sa natungdan nanda ka barangay council para sa nagakaigong disposisyon.
