Business News ——Ginsuhestiyon it Department of Trade and Industry (DTI) ro pagpatuman it price freeze para sa wholesale, trading ag transportation it pork ag poultry products agud nga masiguro nga mapahagan-hagan ro pagtaas it presyo.
Nauna eon nga ginmandu ni Pangueong Rodrigo Duterte ro pagpatuman it price ceiling sa mga pilang pili nga pork ag chicken products sa Metro Manila sa sueod it 60 diyas.
Sa pagpamati it Senate Committee on Agriculture and Food, ginpahayag ni DTI Secretary Ramon Lopez nga kaparte raya it andang proposal sa Department of Agriculture kat ginrekomenda kay Pangueong Duterte nga magpaguwa it mandu nga magapatuman it price ceiling sa manok ag baboy.
Ginpamilit ni Lopez, nga ro price freeze hay bukon eamang it limitado sa retailers, apang dapat nga kaibahan man ro wholesale sector
Sa idaeum it Executive Order No. 124 nga nagapatuman it price ceiling, ro presyo it pork kasim ag liempo hay dapat nga naka-eansang eamang sa 270 pesos kada kilo ag 300 pesos kada kilo.
Para sa manok, ro price ceiling kara hay kapin sa 160 pesos kada kilo.
