Kalibo Aklan——-Ginpamilit ni Municipal Treasurer ag vaccine czar Rey Villaruel it LGU Kalibo nga kinahangean nga makaangkon anay it masterlist it mga recipients antes ro delivery it COVID-19 vaccine.
Bangud kara, gin engganyo nana ro mga Barangay Kapitan it Kalibo sa pagpanguna ni Liga ng mga Barangay President Ronald Marte nga tumuron eon ro andang mga iga-prayoridad nga recipients para sa vaccination program.
Nakadepende sigon sa listahan kon pilang doses it bakuna ro pagabak-eon.
Nasayuran nga ro LGU kalibo hay nagtaeana it kapin sa P50 million pesos para sa 1st phase it vaccination plan.
Nauna eon nga gintaw-an it otoridad it Sangguniang Bayan si Mayor Emerson Lachica nga magsueod sa tripartite agreement sa National Government ag sa vaccine manufacturer nga maga-supply it AstraZeneca vaccines para sa mass vaccination it mga naeakip sa priority lists nga mga medical frontliners, mga senior citizens , ag mga pigadong pamilya .
Gindugang pa kara nga ro pagpabakuna hay boluntaryo ag bukon it compulsory.
