Kalibo Aklan ——–Nagapabilin nga naka-confine sa sangka pribadong ospital ro tag-iya it sangka water refilling station matapos nga mabarilan bandang alas-7:45 it gabie sa Osmenia Avenue, Brgy. Estancia, Kalibo.
Ginkilaea it Kalibo PNP ro biktima nga si Edward Alvarez, 50-anyos, residente it nasambit nga lugar ag nakaangkon it sangka tama it baril sa tiyan nga porsyon it anang eawas.
Base sa imbestigasyon it pulisya, antes pa man natabo ro insidente hay may uwa makilaeag eaeaki nga naga-aligid sa andang establisyimento nga kapin sa 5’2’’ ro kataason, nakasuksok it itom nga face mask ag ko ulihi hay nagsueod gid raya sa refilling station ag ginpangayo ro kita nanda nga kwarta.
Apang, uwa pa man nakata-o ro biktima hay insigida kara nga ginpaeopok ro kalibre 45 nga baril nga nagresulta sa pag-angkon it lastro sa eawas it biktima.
Matapos ro insidente hay insigida raya nga nagpaeagyo paadto it banwa it Banga sakay it motorsiklo nga may otomatiko eagi nga nagamaneho.
Samtang, ro biktima hay gilayon man nga gindaea it anang pamilya sa pinakamaeapit nga ospital para sa nagakaigong pagbueong.
Ro insidente hay padayon pang ginaimbestigahan it Kalibo PNP para sa nagakaigong disposisyon.
