Haeugaan eon ro mga ginapatuman nga restrictions sa probinsiya it Aklan—SP member Sodusta
KALIBO, Aklan—Nagpanawagan si aklan 1st district sangguniang panlalawigan member Atty. Emmanuel “Nolly” Sodusta nga haeugaan eon ro mga ginapatuman nga restrictions sa probinsiya it aklan sa tunga it ginapangatubang nga covid 19 pandemic.
Suno kana nga kinahangean nga rasonabli ro mga patakaran ukon polisiya agud nga indi mabudlayan ro mga pumueuyu eabi eon sa andang pagbiyahe sa guwa it probinsiya.
Ginhalimbawa nana ro pagbiyahe sa siyudad it Iloilo nga owa eon it masyadong pangutana.
Apang kon magsueod pauli sa Aklan hay mag-eowas nga may gina-require nga QR code hay maabu pa nga mga ginabo-oe nga impormasyon.
Sa makaron suno kana hay naka-adjust eon ro mga tawo sa sitwasyon ag nakasayod eon kon paalin nga haeungan ro andang ikamayad nga eawas nga indi madapuan it deadly virus.
