KALIBO, Aklan—Nagapabilin nga bastante ro supply it bugas ag paeay it National Food Authority sa bilog nga probinsya it Aklan.
Raya hay sa pihak it pag-merged it probinsya sa Capiz.
Suno kay Glenda G. Paz, NFA Branch Manager Capiz-Aklan nga kaibahan ro pag-restructure it andang opisina sandig sa Republic Act 11203 kung siin gin-merged ro NFA-Aklan sa Capiz.
Ro main branch suno kana hay masapwan sa Bolo, Roxas City.
Sa makaron hay padayun ro pagpatigayun it buffer stocking it ahensya agud masigurong bastante ro supply it paeay ag bugas eabi pa nga nagapadayun ro pagpanaeasa it pandemya daea it COVID-19.
May kaangtanan kara, bukas suno kana ro tanan nga opisina it NFA sa pagbakae it paeay it mga mangunguma.
Gin-engganyo man kara ro mga local farmer nga idiretso sa taeatapan ro andang ani.
Nagabalor it 19 pesos kada kilo ro presyo it dry and clean nga paeay nga ginabakae it NFA.
