Health News ——Nagpaandam ro Commission on Population and Development (POPCOM) sa pagtaas it numero it mga naga-unga nga naga edad pa eamang it 15 anyos panaba sa 7% ko 2019 kumpara sa mga nagtaliwan nga dag-on.
Suno sa POPCOM, ko 2019, ginakabig ro 2,411 nga mga unga bilang very young adolescents nga naga-edad it 10 to 14 years old nga nag-nabdos ag nag-unga ukon haeos pito kada adlaw .
Raya hay may three-fold increase paagto sa 2000 halin sa 755 halin sa nasambit nga age group nga nag-unga.
Sa listahan it POPCOM, ro Calabarzon ro may pinakamataas nga numero it mga nag-unga nga menor de edad nga nag-abot sa 8,008.
Ginsundan raya it National Capital Region nga may 7,546, ag ro Central Luzon nga nakalista man it 7,523.
Mataas man ro kaso it teenage pregnancies sa Northern Mindanao nga nakalista it 4,747.
Ginsundan raya it Davao nga may 4,551 ag ro Central Visayas nga may 4,541.
Sa pang kabilugan, humampak eon sa 62,510 ro numero it mga menor de edad nga nag-unga ko 2019 kumpara sa 62,341 nga nailista ko 2018.
Nagpanawagan man si PopCom Executive Director Juan Antonio Perez III sa gobyerno nga unahon nga iduso ro Teenage Pregnancy Reduction Program ag nakikipag-angot eon man sigon ro ahensiya sa Department of Social Welfare and Development (DSWD) agud nga maprotektahan ro mga batang ina.
Suno kay Perez nga ro adolescent mothers, kamana man ro andang mga unga hay dapat nga mataw-an it social protection, kapareho sa mga ginatau sa mga older persons ag biktima it mga disasters.
