Balitang Espesyal ——–Pwede gali nga magamit ro tunog agud nga magtuga it uean sa mga lugar nga nakaeksperyensiya it tigmaeaea.
Raya hay base sa pagtuon nga ginpatigayon it researcher sa Tsinghua University sa Beijing.
Pinaagi sa sangka weather manipulation experiment nga ginpatigayon sa Tibetan Plateau ko nagtaliwan nga dag-on, nasayuran it mga researchers nga napa-sigidas nanda ro pag-uean it 17 porsiyento pinaagi eamang sa pagtutok it sangka higanteng loudspeaker sa kaeangitan.
Gin-estudyuhan ro posibleng paggamit it tunog sa pagtuga it uean bangud nga bukon it kapareho it ibang pamaagi, owa raya nagatuga it chemical pollution ag owa raya nagakinahangean it eroplano kapareho it cloud seeding.
Aminado man ro mga researchers halin sa China nga kinahangean pa it madaeum nga pagtuon agud nga makumpirmang nagatuga it pag-uean ro mabaskog nga tunog.
