Kalibo Aklan ———Bukon it rason ro Long Distance Relationship (LDR) agud nga masamad ukon indi magwork ro sangka relasyon.
Raya ro ginpamatud-an it couple nga si Mrs. Rowelyn Gabi Tilar ag Cesar Tilar kasunod it selebrasyon it Valentine’s Day makarun nga adlaw it dominggo, February 14, 2021.
Suno kay Mrs. Tilar nga sa pihak it andang LDR status hay maabo sa gihapon sandang pamaagi agud nga maipabatyag ro pagpalangga sa kada isaea.
Makarun hay 21 anyos eun sandang magkarelasyon ag ginkasaea ko dag-on 1999.
Una kara, nagkakilaea sanda it anang asawa sa Metro Manila matapos nga makipagsapalaran nga makakita it trabaho.
Mingko gintaw-an pa sigon nana it “Challenge” ro anang asawa kat raya hay nagapangasawa pa eamang.
Maskin nga magkaeapit baeay sigon sanda hay owa imaw naila nga makipag-date ukon magkaon sa guwa bangud sa pagpati nga dapat ro mga babayi hay ginapamasyaran sa andang baeay.
Apang ro anang Mr. hay owa nagpapyerdi ag sigadas ro pagpangulit para eamang nga maangkon ro anang matam-is nga “hoo” .
Pagkataliwan it pitong buean nga pagpangasawa, naging madinaeag-on ag opisyal eun ro andang relasyon.
Sa makarun hay may una eun sandang unga it anang first and last boyfriend ag maskin nga maeayo sa kada isaea hay padayun nga naging positibo para sa andang mga unga.
Pagpadumdom pa kara sa mga kababayin-an nga indi magdali-dali sa pagsueod sa sangka relasyon ag mas manami nga unahon anay ro pagtuon.
