KALIBO, Aklan—Sigidas sa gihapon ro na-eksperyensyahan nga snowstorm sa pilang ka mga estado sa United states of America.
Suno kay Bombo International Correspondent Cha Reyes ag presenteng naga- istar sa Virginia, USA nga sa makarun hay naga-abot it -5 degree celsius ro andang temperatura.
Raya eun man sigon ro ikatlong beses nga nakalista it snowstorm sa nasambitan nga nasyon makarun nga dag-on kung sa siin nauna nanda rayang nasaksihan ko Enero 1.
Kaabuan man sigon sa mga epektado nga residente hay una sa East coast it Amerika.
Samtang, ginpahayag dugang nga sa makarun hay ginaeaygayan eun sandang indi anay magguwa sa andang panimaeay.
Ro ibang empleyado man hay naka work from home eun ag ro iba hay gin-adjust man ro andang schedule sa pagtrabaho.
Samtang, bangud man sa snowstorm hay kanselado man ro ginapatigayon nga vaccination progam sa United States.
Ginpaiway sigon it andang national government ro pagbakuna sa mga residente bilang pagtao man it konsiderasyon sa mga indibidwal nga indi makatakod sa sobrang eamig it panyempo kapareho it mga senior citizens ag ro may mga ginabatyag nga masakit.
