KALIBO, Aklan—Ginpasiguro ni Dr. Maila Bernabe, Development Management Officer 5 it Department of Health ukon DOH nga ro tanan nga mga bakuna nga ginaturok hay aprubado it gobyerno ag naka-agi sa tama nga proseso.
Raya hay kasunod it manaba nga numero it mga gustong magpaturok it bakuna kontra sa covid 19 bukon eamang sa probinsiya it aklan kundi sa bilog nga nasyong pilipinas.
Sa ginpatigayon nga press conference, gin-insister ni Dr. Bernabe nga nga nag-agi sa panel of experts ro mga bakuna antes nga taw-an it emergency use authorization it Food and Drug Administration agud nga masigurong eowas ag epektibo.
Normal suno kana sa anuman nga bakuna nga makaangkon it side effects.
Tuyo suno kana it bakuna nga mataw-an it dugang nga proteksyon kontra sa makamaeatay nga virus.
