Business——–Nagaabot sa P357 billion pesos ro naduea sa kita it gobyerno halin 2010 hasta it 2019 bangud sa smuggling it produktong petrolyo suno kay House Ways and Means Committee chairman Joey Sarte Salceda.
Ginpahayag ni Salceda nga base sa datos halin sa United Nations Conference on Trade and Development hay nadiskubrehan nga sumirit pataas ro smuggled fuel halin 2010 hasta it 2017.
Raya hay antes pa man nakabulig ro fuel marking sa idaeom it Tax Reform for Acceleration and Inclusion (TRAIN) Law sa pagpanaba it haega it naduea sa kita it gobyerno bangud sa smuggling ko 2018.
Halin ko nasambit nga dag-on hay nagnaba ro nailistang smuggling apang nagataas gihapon ro foregone revenue bangud nagpatuman it bag-ong excise taxes ro TRAIN Law sa produktong petrolyo.
Suno kay Salceda, pinakamadaling maipuslit ro smguggled nga produktong petrolyo sa mga freeport zones kon sa siin ro fuel marking hay mas haeoga bangud sa guwa eon raya it teritoryo it Bureau of Customs.
