KALIBO, Aklan—Bukas ro mga opisina it Commission on Election (Comelec) sa pagbaton it mga voter registration hin-aga it Huwebes, Pebrero 25 maskin pa holiday.
Suno kay Election Officer Atty. Rommel Benliro bukas ro andang taeatapan umpisa alas-8 it agahon hasta alas-5 hapon para mag-akomodar sa mga pumueoyo nga gustong magparehistro para sa nagahilapit nga national ag local election sa 2022.
Suno kana ginpaeawig pa it Comelec ro schedule it voter registration para maeagas ro maabo nga numero it mga magaparehistro.
Halin Martes hasta it Sabado hay bukas ro mga opisina it Election officers sa bilog nga nasyon para magbaton it mga magaparehistrong botante ag maskin holiday hay magabaton gihapon sanda.
Para masigurado nga nasusunod ro health and safety protocols gintaeana it poll body sa adlaw it Biyernes ag Lunes ro disinfection sa mga taeatapan it Comelec.
