Owa it paghueag sa presyo it mga tinuean-on sa Kalibo Public Market

KALIBO, Aklan—Owa it paghueag sa presyo it mga tinuean-on sa Kalibo Public Market.

Suno sa sangka manugbaligya  nga si Jomari Lasara,  nagapabilin sa dating presyo ro tanan nga mga tinuean-on makarun sa pilang ka mga tindahan bangud sa na-eksperyensiyahan nga manaming paniyempo sa nasyon.

Ko nagtaliwan nga dominggo hay medyo nagtaas sigon ro presyo kara ag makarun hay naibalik man sa normal.

Apang gin-insister man ni Lasara nga bangud sa pandemya hay haeos 50 percent eun lang ro andang kita kumpara sa dating income.

Nasayuran nga haeos 25 anyos eun rayang nagabaligya it tinoean-on sa Kalibo public market ag nagadayo it anang stock maghalin sa siyudad it Ilo-ilo.