KALIBO, Aklan—Pagaumpisahan eon makaron nga adlaw it Lunes it lokal nga gobyerno it Malay ro pagpahaom it vaccination sites, pagpatigayon it simulation exercises ag maabong iba pa.
Raya hay kasunod it ginaeauman nga pag-abot sa Boracay it kapin sa 40,000 doses it Sinovac vaccine.
Sa sangka interview, ginpahayag ni Malay mayor Floribar Bautista nga nakipagpueong kanda ro Aklan Provincial Health Office ko Sabado it gabie agud nga ipasayod ro ginaeaumang pag-abot it bakuna sa mga masunod nga dominggo.
Ro nasambit nga bakuna hay magahalin sa Department of Health ukon DOH ag nakataeana para sa mga tourism workers sa isla kon sa siin kaparte raya sa ginapahauman nga pagbukas it sikat nga isla para sa mga international tourist.
Nasayuran nga ginpatag-uran it LGU ro curfew sa isla nga halin sa dating alas-11:00 hay maga-umpisa eon da makaron sa ala-1:00 hasta it alas-5:00 it aga-aga.
Tuyo kara nga mas pang masulit it mga bisita ro andang pagbakasyon sa Boracay.
