KALIBO, Aklan—-Nakataeana nga magpueong makaron nga adlaw ro Provincial Inter-Agency Task Force para talakayon ro mga tikang angot sa bag-ong guidelines nga gin-aprubahan it National IATF para sa mga biyahero ag turista sa nasyon.
Suno kay League of the Municipalities of the Philippines ukon LMP-Aklan Chapter President ag Ibajay Mayor Joen Miraflores nga pagatun-an pa nanda ro magiging epekto it nasambit nga tikang kung igapatuman raya sa probinsya.
Gusto sigon nanda nga masigurado ro kaeuwasan it mga biyahero ag andang pamilya nga gina-ulian.
Madumduman nga gin-aprubahan eon it National Inter-Agency Task Force ro pag-angkon it uniform travel protocols sa tanan nga Local Government Units.
Kun sa siin, bukon eon it mandatory ro COVID-19 testing ag quarantine mag-eowas eon lang kung pagapangayuon raya it lokal nga gobyerno sa nagkaeain-eain nga bahin it nasyon.
Nakabutang sa Resolution number 101 nga bukon eon it kinahang-ean ro quarantine mag-euwas eon lang kung magapakita it sintomas it COVID-19.
Indi eon man kinahang-ean ro documentary requirements kapareho it travel authority, health certificates ag iba pa.
