KALIBO, Aklan—Gina-welcome it Department of Education ukon DepEd-Aklan ro amendments ag adjustments sa calendar of activities eabi eon makaron nga 3rd quarter it school year 2020-2021.
Suno kay Dr. Miguel Mac Aposin, Schools Division Superintendent it DepEd-Aklan nga tuyo kara nga mataw-an pa it oras ro mga estudyante ag mga manugturo nga padayun nga naga-adjust sa distance learning.
Bangud kara, mataw-an sigon it kahigayunan ro mga estudyante nga mas pang matun-an ro andang mga modules kamana man ro mga manugturo nga mapahauman ro mga ginagamit nga learning materials.
Umpisa Marso 1 hasta 12 hay magapatigayon sigon ro mga eskwelahan it intervention ag remediation activities para sa mga learners.
Gindugang pa kara nga extended hasta sa buean it Hulyo ro katapusan it school year halin sa orihinal nga Hunyo 11.
Ginataw-an sigon it solusyon it Central Office ro nataeupangdan nga mga learning gaps bangud sa malisod nga pagtuon sa sueod it mga baeay ag ro kawad-an it ginatawag nga live contact sa mga manugturo.
Ro third grading period halin sa Marso 22 hay sa Mayo 15 eon ag ro fourth quarter hay sa Hulyo 10 imbes nga Mayo 17.
