Kalibo Aklan ——Balik operasyon eon sa lunes nga adlaw, Marso 8 ro main office it Aklan Electric Cooperative (Akelco) sa banwa it Lezo matapos magdeklara it lockdown ko Pebrero 25 bangud sa paeag it COVID-19.
Suno kay Engr. Alexis Regalado , General Manager it Akelco nga sigidas ro andang pag-ayos sa bilog nga compound ag nagapadayun ro andang disinfection bilang pagpahaum it pagbalik it andang operasyon .
Skeleton force suno kana ro andang workforce sa lunes .
Nasayuran nga sambilog sa andang empleyado ro nagpositibo ag namatay halin sa COVID-19.
Gindeklarang dead on arrival ro 47 anyos nga Engineer ko Pebrero 24 matapos nga gindaea raya sa Aklan Provincial Hospital.
Nag-abot suno kana sa masobra sa 115 nanda nga empleyado ro nagpaidaeum sa RT-PCR tests ag gin isolate sa andang natungdan nga mga baeay ag sa mayad nga swerte kaabuan sa mga raya hay nag negatibo sa makamaeatay nga virus .
Sa 13 sigon nga nagpositibo sa sakit hay sambilog ro namatay samtang ro iba hay puro asymptomatic mag-eowas sa sambilog nga naga-angkon it eagnat ag sip-on.
