Kalibo Aklan —–Gin-anunsyo it lokal nga gobyerno it Malay nga sandig sa Inter-Agency Task Force on Emerging Infectious Diseases (IATF-EID) Resolution No. 101 ag sa Executive Order No. 05 nga ginpaguwa ni Governor Florencio Miraflores it probinsya it Aklan, ro mga Malaynons nga magasueod sa Mainland Malay nga maghalin sa guwa it Western Visayas hay kinahang-ean nga magsumiter it Negative Reverse Transcription-Polymerase Chain Reaction (RT-PCR) test result nga may validity nga inde magsobra sa limang adlaw halin sa adlaw nga pagbuoe it test hasta sa adlaw it pagbyahe.
Samtang, sandig sa Resolution No. 98-A it IATF-EID, ro mga Authorized Person Outside Resident’s (APOR’s) nga halin sa National Government Agencies ag mga attached agencies hay magapabiling exempted sa Negative RT-PCR Result requirement.
Nasayuran nga inde eon kinahang-ean nga magpaidaeom pa sa 14 diyas nga quarantine pag-abot sa probinsya it Aklan mag-eowas eon lang kon makitaan it sintomas it deadly virus ro sangka indibidwal.
Owa eon man it matawag nga Locally Standed Individual (LSI’s).
