Kalibo Aklan ——–Nadugangan eon man it 11 ro mga kumpirmadong kaso it coronavirus disease 2019 (COVID-19) sa bilog nga probinsya it Aklan.
Base sa pinakaulihing datos maghalin sa Aklan Provincial Epidemiology Surveillance Unit it Provincial Health Office, raya hay ginakaeakipan it ap-at nga maghalin sa Kalibo; tig-daywa sa banwa it Numancia ag Banga; ag tig-sambilog sa Batan, Makato ag Numancia.
Sa pihak kara, nagsaka sa kabilugang 772 ro numero it mga nagmayad halin sa nasambit nga masakit bangud sa siyam nga panibag-ong nailista it ahensya.
Raya hay ginakaeakipan it tig-tatlo halin sa banwa it Ibajay ag Libacao; daywa sa Malinao ag sambilog sa Numancia.
Sa makaron hay may 152 pang aktibong kaso ro ginamonitor it PHO-Aklan nga ginakaeakipan it 135 nga una sa facility quarantine, 16 ro admitted ag sambilog ro naka-home quarantined.
Samtang, uwa man it nadugang sa kaso it death toll sa Aklan rason nga nagapabilin sa 30 ro mga nailistang namatay nga indibidwal matapos nga tamaan it deadly virus.
