Kalibo Aklan ———-Nagtaas pa sa kabilugang 974 ro kaso it coronavirus disease (COVID-19) sa bilog nga probinsya it Aklan.
Raya hay bangud sa 14 nga panibag-ong nagkasakit.
Base sa pinakaulihing datos maghalin sa Aklan Provincial Surveillance Unit it Provincial Health Office, raya hay ginakaeakipan it pito maghalin sa banwa it Banga; tig-daywa sa Madalag, Malay, ag Numancia; kamana man sambilog sa Ibajay.
Sa pihak kara, nadugangan man it 16 ro mga nagmayad halin sa nasambit nga masakit rason nga nagaabot eon sa kabilugang 799 ro mga nakarekober.
Raya hay ginakaeakipan it ap-at maghalin sa Malay; tatlo sa Kalibo; tig-daywa sa Ibajay, Altavas ag Malinao; ag tig-sambilog sa Makato ag Numancia.
Sa makaron, ro aktibong kaso it COVID-19 sa Aklan hay 145 nga ginakaeakipan it 131 nga una sa Facility Quarantined, 13 nga Admitted ag sambilog nga naka-Home Quarantined.
Samtang, nagapabilin sa 30 ro numero it mga namatay bangud sa nasambit nga deadly virus.
