KALIBO, Aklan–Nagapabilin nga naga-eanab-eanab ro tubi sa Aklan river.
Raya hay kasunod it pagbu-bo it pabugso-bugsong uean nga naeksperyensyahan sa bilog nga probinsya it Aklan.
Apang sa pihak kara, amat-amat nga naganaba ro lebel it tubi sa Akean partikular sa bahin it Madalag.
Suno kay Gino Ventura it Municipal Disaster Risk Reduction Management Office ukon MDRRMO-Madalag, uwa eon nagatubo ro lebel it tubi ag sa oras nga inde eon mag-uean hay maganaba pa gid raya sa normal nga lebel.
Sigidas sigon ro sueog it tubi maghalin sa banwa it Libacao bangud sa uwa it pundo nga pag-inuean.
Samtang sa pihak nga parte, sa covered court it banwa it Balete nagpataliwan it sang gabi-e ro pila ka mga pamilya nga naga-istar sa low lying areas matapos nga eumapaw eon ro tubi sa hae-o river.
Raya hay daea gihapon it sigidas nga pag-inuean tuga it Low Pressure Area nga iya sa sueod it nasyon.
Apang, pwede eon man sigon maagyan ro national highway nga nauna eon nga uwa maagyan it mga saeakyan bangud sa mabaskog nga sueog it tubi.
