Kalibo Aklan ——–Gin-aprubahan sa 7th regular session it Sangguniang Bayan it Malay ro sangka ordinansa nga gindihon ni Malay Sangguniang Kabataan (SK) Federation President Ms. Christine Hope Pagsuguiron.
Ro nasambit nga ordinansa hay ro Comprehensive Code for the Youth sa banwa it Malay.
Suno kay Pagsuguiron nga raya ro kauna-unahang Code for the Youth nga gin-establisar sa andang banwa nga magapasiguro it tayuyon nga mga programa ag proyektyo sa pamatan-on.
Makaangkon man suno kana it Local Youth Development Office kun sa siin ro raya maga-focus sa pag-alalay sa mga youth organization kamana man nga magaserbing focal person it mga pamatan-on.
Nagaeaum man imaw nga pinaagi kara hay mas ma-engganyo ro nagkaeian-eain nga sector nga suportahan ag ma-implementar ro mga gin-organisa nga programa.
