KALIBO, Aklan–Makipagbueuligan sa contact tracing.
Raya ro panawagan it lokal nga gobyerno it Numancia sa mga pumueuyu matapos nga mag-abot eon sa 116 ro nagpositibo sa Coronavirus Disease 2019 ukon COVID-19 sa nasambit nga banwa nga puro local case.
Sa ginpaguwa nga opisyal nga pahayag it LGU-Numancia nga pirmado ni Dr. Levens Maravilla, Municipal Health Officer na nagapadayun suno kana ro contact tracing ag hugut nga monitoring sa mga kaso it sakit agud nga mapundo ro pagkalhit it COVID-19.
Importanteng maitau ro mga impormasyon nga ginapangayo it mga contact tracers.
Indi sigon mapundo ro transmission it sakit kun indi matumod ukon makilaea ro mga close contacts.
Nasayuran nga ro bag-ong pasyente hay snagka 29 anyos nga eaeaki nga owa it history it exposure sa sangka covid positive.
Asymptomatic ag naka-isolate eon ro eaeaki.
Ginasugid nga ginpaidaeum sa RT-PCR testing ro pasyente ko marso 13 ag nagguwa sa resulta nga positibo raya sa SARS-COV 2.
Sa makaron hay may tatlo pang aktibong kaso it sakit sa numancia ro padayun nga gina-monitor it mga otoridad sa quarantine facility.
Raya hay ginaeakipan it 29 anyos nga babaye nga LSI; 41 anyos nga eaeaki nga direct contact ag 65 anyos nga babaye nga local case.
