Dating Kalibo mayor William Lachica, ginkumpirma nga owa pa it pinal nga listahan it mga maka-ibahan sa line-up it andang partido sa maabot nga eleksyon

KALIBO, Aklan–Owa pa it pinal nga listahan it mga maka-ibahan sa line-up it andang partido sa maabot nga 2022 nga eleksyon.

Raya ro ginkumpirma ni dating Kalibo mayor William Lachica  kasunod it naging pahayag ni  dating Board member Rodson Mayor nga  magapadaeagan eon lang imaw nga kongresista sa unang distrito it aklan kaibahan ro tandem ni Lachica bilang gobernador ag  Board member Nolly Sodusta bilang bise gobernador.

Nasayuran nga nauna eon nga ginpabutyag ni Mayor nga plano nana nga magpadaeagan bilang gobernador it Aklan.

Hasta sa makaron sigon hay owa pa it pinal nga desisyon ro andang partido.

Apang may gina-target sigon sanda nga pulitiko nga planong maging pambato nanda sa kongreso sa 1^st district.

Dati sigon nana raya nga naka-ibahan sa partidong kusog.

Ginpamilit pa kara nga makaangkon pa sanda it konsultasyon antes nga makahimo it desisyon sa linyada it andang partido  halin  sa ibabaw  paagto sa manaba nga posisyon rason nga owa pa sanda it gina-anunsyo.

Matunog makaron nga maka-tandem ni incumbent mayor Emerson Lachica ro dating karibal it mga Lachica nga si dating Kalibo mayor Raymar Rebaldo.

Samtang, gindugang pa ni Lachica nga masako sanda makaron ni Atty. Sodusta nga nagalibot  sa nagkaeain-eain nga banwa  agud nga mabo-oe ro pulso it publiko  angot  sa andang plano sa maabot nga eleksyon.