Sangka Aklanon nga kakapasar eamang sa Physician Licensure Examination handom nga makaserbisyo sa anang mga kasimanwa

KALIBO, Aklan–Plano makarun it kakapasar eamang nga doctor nga ipursige pa ro anang ambisyon pag-abot sa anang ginpili nga profession matapos nga makapasar sa Physician Licensure Examination.

Si Dr. Raffy Casimero Bantang, sangka Aklanon ag tumandok it Brgy. Manoc-manoc, Malay  hay nakapasar sa nasambitan nga eksaminasyon nga ginpatigayon ko Marso 7 hasta 8, 2021 kung sa siin nagguwa  eamang ro resulta ko March 19, adlaw it biyernes.

Samtang sa interbyu it Bombo Radyo, ginpahayag ni Dr. Bantang nga sambilog pa sa anang handom nga makapanerbisyo sa anang ginhalinan nga lugar.

Engkaso nga matapos eun ro anang dugang nga limang dag-on nga pagtuon bilang surgeon hay plano man karang mag-uli sa probinsya ag ipadayun ro anang pagiging doctor.