KALIBO, Aklan–Suportado ni Sangguniang Panlalawigan Member Atty. Harry Sucgang ro kandidatura ni dating Sangguniang Panlalawigan member Rodson Mayor bilang representante it unang distrito it Aklan sa 2022 national and local elections.
Suno kay SP member Sucgang nga pabor ro andang grupo sa naging desisyon ni Mayor ag ginapasaeamatan sa gihapon nanda ro suporta kara sa andang ginbilog nga line-up.
Nauna kara, ginkumpirma mismo ni Mayor sa interbyu it Bombo Radyo nga maatras eun lang imaw sa pagpadaeagan bilang gobernador.
Suno kana nga nagbag-o ro anang isip matapos nga mataeupangdan nga owa it inobrahan si Aklan 1st district congressman Carlito Marquez sa haeos patapos eon kara nga ikaywang termino sa kongreso eabi eon ro improvement sa mga daeanon nga sakop it eastern side it probinsiya, pagduso sa cityhood it Kalibo ag pagpatindog it city hospital nga kompleto sa pasilidad.
Ginpabugae pa ni Mayor nga haum eon imaw sa uman nga pagsabak sa pulitika, kun sa siin engkaso nga swertehon hay may mga nakalinyada eon imaw nga plano.
Maka-ibahan sigon nana sa annag line-up sanday dating Kalibo mayor William Lachica bilang gobernador ag board member Atty. Nolly Sodusta bilang bise gobernador.
Posible nga makaengkwentru ni Mayor si congressman Marquez sa maabot nga eleksyon.
