KALIBO, Aklan–Ginakabig nga Welcome Development ni Sangguniang Panlalawigan member Nemesio Neron ro mga nagaguwa makaron nga pagkondena it pilang grupo ukon indibidwal sa presensya it mga rebeldeng Communist Party of the Philippines – New People’s Army ukon CPP NPA.
Raya hay kasunod it pag-eotaw it mga litartao sa halin sa pilang kabanwahanan it probinsya it Aklan kun sa siin makit-an sa sangka puti nga sako ro mga pamisaea kontra sa rebeldeng grupo.
Matsa ginbatikos man it mga tawong sa likod kara ro bukon it manami nga katuyuan it CPP-NPA sa nasyon.
Bilang Chairman it Committee on Peace and Order ag Committee on Transportation, ginpaathag ni Neron nga natueopangdan man kara ro hilimuon ag bukon it manami nga aktibidad it natungdan nga grupo kontra sa gobyerno.
Makabig man suno kana nga sab-eag ro mga raya sa pagpangabuhi it mga pumueoyo nga naka-istar sa kabukiran.
Ginakalipay sigon nana ro natungdan nga pagkondena ag nagaeaum man imaw nga matuldukan eon ro kinagamo sa tunga it armadong grupo ag pwersa it gobyerno.
