KALIBO, Aklan—Humampak eon sa 1,240 ro kabilugan nga kaso it Coronavirus Disease 2019 ukon COVID-19 nga nailista sa probinsya it Aklan umpisa nga magtuhaw ro pandemya.
Raya hay matapos nga makalista it 20 nga panibag-ong kumpirmadong kaso it COVID-19 ro Provincial Health Office (PHO) makaron nga adlaw it Dominggo.
Sa nasambit nga numero 13 ro halin sa banwa it Malay, 3 ro sa Kalibo ag tig sambilog sa banwa it Balete, Banga, Lezo ag New Washington.
Sa pihaik nga parte, may 9 nga bag-og nagmayad sa sakit nga umabot eon sa 1,044.
Sa makaron, 161 ro aktibong kaso it COVID-19 sa probinsya.
143 sa mga pasyente ro naka-facility quarantined, 11 ro admitted sa Aklan Provincial Hospital ag 7 ro naka-home quarantined.
Samtang, 35 ro namatay matapos nga dapuan it deadly virus.
