KALIBO, Akla—Normal nga makaangkon it bagyo sa katung-anan it pagpanaeasa it summer season ukon tag-init sa Pililipinas.
Suno kay Charlie Depra it PAGASA Iloilo nga kon amat eamang raya nagakatabu apang bukon it ‘unusual’ ag posibleng natiempuhan eamang.
Nasayuran nga sa katung-anan it tag-init makaron nga buean it Abril, padayun nga ginabantayan it PAGASA ro sangka bagyo sa guwa it Philippine Area of Responsibility (PAR).
Ulihing nakit-an si Tropical Storm Surigae sa 1,210 kilometers sa nasidlangan nga parte it Mindanao./
May gina angkon raya nga hangin nga naga abot sa 65 kilometro kada oras maeapit sa sentro ag bugsong naga abot hasta sa 80 kph nga nagahueag paagto sa naaminhan it naaminhan nakatungdan sa kadasigon nga 10 kph.
Ginaeauman nga magasueod raya sa PAR sa Biyernes nga adlaw ag pagatawgon nga bagyong bising.
Raya eon ro ikaywang bagyo nga magasueod sa PAR makaron nga 2021.