-- ADVERTISEMENT --

KALIBO, Aklan—Ginpaidaeum  sa daywang domingo nga  surgical lockdown ro pilang parte it Barangay Ondoy ag Laguinbanwa sa banwa it Ibajay umpisa makaron nga adlaw it Biyernes  bangud sa pagtinaas it  mga kaso it COVID-19 idtu.


Suno kay League of the Municipalities of the Philippines ukon LMP-Aklan chapter president  ag Ibajay mayor Jo-en Miraflores nga insigida nana nga ginpueong ro mga barangay chairman it nasambit nga lugar agud nga makapaguwa it resolusyon may kaangtanann  sa nasambit nga tikang.

Raya hay matapos nga makalista it  6 nga dugang nga kaso it COVID-19 nga ginasugid nga puro high risk contact  it mga nauna eon nga nagpositibo sa deadly virus .

Ro mga identified high risk close contacts hay naka-home ukon naka-facility quarantine eon.

Sa idaeum suno kana it surgical lockdown, magatukod it mga checkpoint sa mga apektadong  lugar ag magapatuman it mas agresibong contact tracing sa mga nakasalamuha it mga positibo sa sakit.

-- ADVERTISEMENT --

Ginpahayag dugang nga  posible pang mapatag-od ro lockdown, depende sa magiging resulta it swab test it mga close contact it mga nagpositibo sa virus.

Sa pinaka-ulihing bulletin it Provincial Health Effice ukon PHO-Aklan,  ro banwa it Ibajay hay may kabilugan nga 64 nga kaso umpisa nga tumama ro pandemya sa nasyon.

Sa nasambit nga numero, 36 ro nagmayad sa sakit, 25 ro naka-facility quarantined  ag daywa ro admitted.

Nagapabilin man nga sambilog ro nailistang namatay sa nasambit nga banwa bangud sa covid infection.

Boses ni LMP-Aklan Chapter president ag Ibajay mayor Joen Miraflores