KALIBO, Aklan—Sa pihak it nagatinaas nga kaso it Coronavirus Disease 2019 (COVID-19) sa probinsiya it Aklan, ginpasiguro ni League of the Municipalities of the pPilippines ukon LMP-Aklan chapter president ag Ibajay mayor Jo-en Miraflores nga kontrolado pa ro sitwasyon.
Suno kana nga aktibo ro mga alkalde sa 17 nga banwa it Aklan sa pagsabat sa mga kaso sa bulig it gintukod nga quick response teams nga nagapatigayon it hugut nga health protocols, agresibong contact tracing, testing ag isolation para mapugngan ro pagkalhit it deadly virus eabi eon sa mga lugar nga ginpaidaeum sa lockdown.
Ro Aklan hay may kabilugan nga kaso nga 1,379 matapos nga makalista it 12 nga bag-ong kaso.
Samtang, nagapabilin suno kana ro moratorium sa mga biyahero halin sa Metro Manila nga gustong mag uli sa probinsiya ag bilog nga Western Visayas.
Hin-aga nga adlaw it Sabado, Abril 17 hay iga-assess sigon it Regional Inter-Agency Task Force kon pagabawi-on ukon pagapaeawigon pa ro nasamnbit nga mandu.
Nagpaandam man imaw sa mga sabungero bangud nga hasta sa makaronn suno kana hay bawae pa ro pag-operate it mga cockpit arena ukon mga bueangan sa bilog nga nasyon.
