KALIBO, Aklan—Uman nga ginpadumdum it lokal nga gobyerno it Malay ro andang mga residente eabi eon ro may mga alagang ayam nga may nagakaigo nga penalidad ro sin-o man nga maga-eabag sa ginapatuman nga Municipal Ordinance No. 432, series of 2020.
Sa idaeum it ordinansa, obligado sigon nga pabakunahan ag ipa-rehistro it tag-ana ro anang alaga kontra sa rabies.
May multa nga 2,500 pesos ro magapamalibad kara.
on makapangot hay obligasyon it tag-ana nga bayaran ro nagastos it napangot it anang alagang ayam.
Magabayad man it multa nga 2,500 pesos ro dog owner nga magapamalibad nga ibutang ro anang alaga sa pag-obserba matapos raya nga makapangot.
Engkaso nga indi magbayad it gastos sa pagpabueong, magapangatubang raya sa multa nga 2,500 pesos ag pwede pang mapresu it 6 nga buean depende sa desisyon it korte.
Nakabaehag pa sa ordinansa nga kinahangean nga naka-leash ukon may higot ro ayam ukon may muzzle sa bibig kon ginapaguwa raya sa karsada.
May saeabton man ukon posibleng papanaugan it multa ro tag-ana it ayam ag may chansang iga-impound ro alaga kara kon pabay-an nga magwinarang sa mga pampublikong lugar, eabi eon sa isla it Boracay, mag-eowas sa mga lugar nga gindeklara bilang “pet friendly”.
Kon maghigku sa pampublikong lugar ag indi paglimpyuhan ro higku it andang ayam, raya hay may kaeakip nga multa nga 2,500 pesos.
